Стан со темни антрацит тонови и дрвени акценти
Тип на проект: Резиденцијални објекти
Овој стан е дизајниран во модерен и минималистички стил со темни, антрацит сиви тонови како главна палета на бои. За да се додаде топлина и природен елемент во просторот, присутни се дрвени детали во нијанса на орев. Овој контраст помеѓу темните бои и дрвените елементи создава елегантна и софистицирана атмосфера.
Кујната е изработена од фарбан медијапан во темна нијанса на антрацит со мат финиш и вратички од иверица со дрвен декор во горниот дел, што создава баланс помеѓу модерниот и топлиот стил, а отсуството на рачки придонесува за поминималистички изглед.
Ѕидната облога и работната плоча со декор на темен мермер даваат софистициран и современ контраст. Изгледот на природен камен обезбедува длабочина и елеганција, додека темните тонови го нагласуваат модерниот дизајн на кујната.
Добро интегрираното осветлување под елементите ги подобрува функционалноста и амбиентот, истакнувајќи ја природната убавина на употребените материјали, а висечки светилки со метални детали над шанкот додаваат индустриски шарм.
Истите бои и материјали се провлекуваат низ целиот стан со цел да се формира една кохерентна дизајн целина, изразена преку чистите линии кои создаваат простор кој е стилски, топол и модерен, совршен за оние кои сакаат минимализам и урбана естетика.