Модерно засолниште во беж и златни тонови

Тип на проект: Двособен стан

Дизајн на овој стан претставува симбиоза на модерната естетика и топлината на бежовите и златните тонови, создавајќи простор кој зрачи со софистицираност и спокојство. Основната палета на бои се состои од пастелни зелени и бежови нијанси комбинирани со светло дрво кои внесуваат неутралност и баланс, додека златните детали додаваат доза на луксуз и елеганција.
Кујната е дизајнирана со минималистички линии, со беж фронтови со мат финиш кои се комбинираат со пастелно зелена компакт работна плоча, а гравираните вратички на висечките елементи создаваат точка на визуелен интерес.
Дневната соба е дефинирана преку беж софа и тв комода која го следи дизајнот на кујната, а тепихот во бледо зелена нијанса со суптилни флорални мотиви и златните детали кај светлечките тела го дополнуваат целосниот амбиент.
Светлото дрво е главен елемент во спалната соба, присутно кај креветот и гардероберите. Природната текстура на дрвото внесува топлина и земјена естетика, додека неговата светла нијанса визуелно го прави просторот поголем и повоздушен. Пастелно зелените детали додаваат мекост и чувство на свежина и баланс, и ја поврзуваат спалната соба со остатокот од станот, создавајќи амбиент кој поттикнува спокојство.
Овој дизајн е идеален за оние кои бараат простор кој нуди хармонија помеѓу светлите пастелни тонови и луксузниот сјај на златните акценти.