Муабет со Драган од Ми-ни-мо
Столчињата на Ми-ни-мо
Здраво Драган, кажи ни нешто за себе?
Здраво Декорама! Еве, како што споменав претходно, се викам Драган и сум модератор и еден од актуелните изведувачи на мини-проектите на Ми-ни-мо! Не сакам многу да зборувам за мене, но сакам да напоменам дека Ми-ни-мо е моја втора или хоби работа која се случи како резултат на мојата љубов кон ентериерот, мебелот, минимализмот и природата! Покрај мојата главна работа која има рок на траење (спорт), се обидувам полека да влезам во светот на мебелот и во иднина да направам комплетна транзиција кон оваа индустрија! Инаку потекнувам од семејство кое долго време се занимава за мебел, и работи исклучиво со дрво!
Зошто се реши да започнеш со производство на столчиња/странични масички??
Решив да започнам со производство на столици и помошни маси бидејќи лесно се прават и изгледаат убаво и автентични! Секоја помошна маса е единствена и нема идентични производи! Во иднина, се надевам дека ќе понудам и други интересни уникатни производи од различни материјали.
Зошто бетон како материјал?
Патем, како што можете да видите, бетонот е еден од главните материјали за изработка на помошни маси/столови и на него се одлучив затоа што изгледа уникатно, едноставно од каде доаѓа името ми-ни-мо (минимализам, минимализам) и затоа што сум голем љубител на индустрискиот стил на внатрешен дизајн! Исто така, додека живеев неколку години во различни земји, особено во САД, имав можност подобро да се запознаам со индустрискиот стил и во слободно време поминав неколку курсеви за користење на бетон како материјал за внатрешни и надворешни производи!
Колку е лесно или тешко да се истакнеш/да дојдеш до израз на мал и заситен пазар во услови на пандемија?
Па, искрено живееме во време кога е полесно да те приметат на социјалните мрежи, пазарот не е голем; но мислам дека ако имаш уникатен и квалитетен производ со добра стратегија, може да се дојде до израз!
Дали се стремиш да создаваш висококвалитетен, а сепак достапен мебел?
Секогаш се трудам да создадам уникатен и квалитетен производ кој преставува нешто ново за нашиот простор, а само тоа ќе ја одреди достапноста на производот!
Како е да се натпреваруваш против етаблирани и големи фирми на пазарот?
Конкуренцијата е секогаш добра, не прави да напредуваме и да станеме подобри! Нормално етаблираните и големите компании секогаш имаат предност со поголема изложеност и капитал, но како што напоменав, со уникатност и квалитет можете да успеете покрај големите и да дојдете до израз, плус големите некогаш биле мали! 😊
Дали имаш планови за одење надвор од локалниот пазар?
Во моментов не сум размислувал да излезам надвор од Македонија, надвор од локалниот пазар, но доколку се укаже таква можност во иднина, зошто да не!
Повеќе за Ми-ни-мо на нивниот инстаграм профил.
