Made in Norway, Александра Кулзичка

Интервју со реставратор на мебел, Александра Кулзичка

Како започнав? Го започнав мојот бизнис во 2015 година. Една година претходно јас и мојот партнер ја купивме првата куќа заедно. Бидејќи и двајцата се преселивме од изнајмени опремени станови, немавме што да понесеме со нас од мебел. Овде во Норвешка, продавници на добротворните организации продаваат многу добар мебел, па позајмивме автомобил со голема приколка и ги наполнивме со стари, но полни со потенцијални парчиња. Го редизајнирав секое едно парче и кога куќата конечно беше опремена, се заљубив во сликањето, па продолжив и почнав да ги продавам моите парчиња онлајн.
Во тоа време работев како инструктор по танц, тоа беше вечерна работа, па имав многу слободно време во текот на денот за да го редизајнирам и реставрирам мебелот. Во 2016 година тоа стана моја работа со полно работно време.

Образование и едукација Немам формално образование за дизајн и реставрација на мебел и столарија. Се што знам научив правејќи и од интернет. Студирав педагогија, но поголемиот дел од мојот живот работев танц. Откако паметам, бев фасцинирана „да направам нешто од ништо“. Се обидов да правам накит и шиев костими за танцување, но ништо не ме привлече како редизајнирање и реставрирање на мебел. Ми се допаѓа идејата да земам буквално нечие ѓубре (повеќето од парчињата мебел на кои работам ми ги даваат бесплатно) и да ги претворам во скапоцени камења ,  досега спасив животи на над 1000 парчиња мебел и тони јаглерод на овој начин.

Барам квалитет, чудни парчиња мебел и стар бор Понекогаш е тешко да се види оригиналната убавина под слоевите стара боја, но со текот на времето научив да ги окткријам квалитетни парчиња. Преземам и таканаречените „безнадежни случаи“, но само по нарачка. Кога сама избирам мебел, се трудам да најдам работи што се во релативно добра состојба. Неколку гребнатини тука и таму и некои лабави елементи се во ред, но избегнувам парчиња мебел со оштетување од вода и чудни мириси.
Понекогаш сум подготвена да ги заобиколам правилата ако некое парче е особено шармантно или чудно. Обожавам да работам парчиња мебел што не сум ги сретнала досега. Едно од моите омилени парчиња е фантастична, голема американска комода од 60-тите на минатито век, донесена во Норвешка пред повеќе од 40 години на брод. Такви парчиња ретко се сретнуваат на норвешкиот пазар и многу се возбудив кога го најдов на интернет за помалку од 60 евра. Не можев да се разделам со него, па сега „живее“ во мојата спална соба и е едно од моите омилени парчиња.
Ми се допаѓаат едноставните форми MCM (XIX век) од 60-тите, но мојата специјалност се, како што јас ги нарекувам, „борови кошмари“ Едноставни комоди од бор, многу популарни меѓу 80-тите и 2000-тата. Практично секоја норвешка куќа има барем една од нив. Како што знаеме, нетретираниот бор не старее многу убаво, тие ја менуваат својата оригинална боја во различни нијанси на портокалова. Најмногу ми се допаѓаат бидејќи се исклучително разновидни парчиња. Можам да земам две идентични комоди и да ја претворам едната во фанки MCM, а другата во рококо парче, со менување на ногарките, рачките и соодветен модел и шема на бои.

Најдоброто во мојата работа Омилен дел од мојата работа е слободата. Јас одлучувам колку работам, кога и колку долго ќе одам на одмор итн. Одлучувам на кои сопствени нарачки сакам да работам и кои едноставно не се забавни. Јас одлучувам каков стил и бои ќе користам. Не сликам обична бела и не користам експериментални техники. Тоа едноставно не е мој стил.

Мојот стил  Шаблонот е нешто од што сум зависна. Мојата омилена техника е декупаж на тапети. Сакам темни и тешки „нерасположени“ бои, но одвреме-навреме одам на нежен пастел. Не сум љубител на мешање, засенчување или вознемирување. Сакам да го задржам мебелот модерен и актуелен.

Развој на нов производ Времето зависи од видот на парчето и користената техника. Веројатно ми треба околу 1 час за редизајнирање на мало столче, но 3-5 дена за да завршам голем проект. Поминувам многу време на подготовки пред да почнам и постапки како шмирглање, отстранување стара боја итн.

Мое омилено парче мебел во домот Ја дизајнирав и опремив целата моја куќа и градина користејќи половен мебел и декор, па затоа е тешко да се истакне една работа што не сум ја направила сама. Претпоставувам дека тоа би требало да бидат мои теписи. Едниот е стар, класичен, црвен персиски, а другиот е волнен црно-бел шаблон. Ми се допаѓа контрастот што го даваат.

Инспирација Генерално не се инспирирам од дизајнот на мебел на други луѓе. Она што ме инспирира е некоја интересна комбинација на шаблони и бои што ги гледам на секојдневните предмети. Понекогаш се крилјата на борбениот авион, понекогаш тоа е фустанот што го носам… Кога станува збор за временскиот период, го сакам ХIХ век, но неодамна најдов нова инспирација во Арт Деко.

Кога купувате реставриран и редизајниран мебел. Погрижете се квалитетот да одговара на цената. Има многу дизајнери и реставратори кои можеби СЕ УШТЕ НЕ се одлични во она што го работат, но важно е да се поддржи и нивната работа. Од друга страна има и такви кои поминуваат години усовршувајќи го својат занает и нивните цени го одразуваат тоа. И за двете групи има место на пазарот за мебел.
Запомнете дека стариот редизајниран мебел не е совршен! Тој мебел имал претходен живот и ги носат трагите наминатите години. Тие имаат душа и историја… Ако барате индустриско и машинско направено совршенство, можеби реставриран мебел не е за вас.

Повеќе за Александра на нејзиниот Инстаграм профил.