![masseria-petrarolo-villa-rentals-italy-puglia-28-641x480-c-center](https://dekorama.design/wp-content/uploads/2022/03/masseria-petrarolo-villa-rentals-italy-puglia-28-641x480-c-center.jpg)
Вила Петрароло (Masseria Petrarolo)
Сместена на имот од 30 хектари, помеѓу насади од лаванда и маслинови дрва и со поглед на Јадранското Море, оваа луксузна вила во Апулиа од седумнаесетиот век е поранешна фарма направена за да ги издржи нападите на Сарацените од Северна Африка.
Сопственикот, Констант Тедер, млад британски претприемач, го купил имотот, кој бил во речиси оригинална форма и сеуште се користел како фарма на добиток, со цел да го претвори во семеен дом за пензионерските денови, но подоцна одлучил да го пренамени во луксузна вила за изнајмување.
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-28-641x480-c-center.jpg)
![](http://dekorama.design/wp-content/uploads/2022/03/os3a1306webopt-w900h900.jpg)
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-11-742x480-c-center-2.jpg)
Проектот за реставрацијата траел 4 години, и истиот го водело италијанското студио Simone & Musa Architects, кои имале претходно искуство во реставрација на слични објекти, а ентериерот им бил доверен на Tully Filmer и Аlexander Waterworth Interiors. Идејата била да се задржат постоечките елементи како дрвени греди, дотраени врати, камени ѕидови и сводови од варовник, и да се надополнат со рачно изработени парчиња од локални мајстори, но и контрастни модерни парчиња, без притоа да се изгуби шармот на јужна Италија.
![](http://dekorama.design/wp-content/uploads/2022/03/masseria-petrarolo-018-scaled-1-1024x711.jpg)
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-7-780x480-c-center-1.jpg)
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-29-489x480-c-center.webp)
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-24-618x480-c-center.jpg)
Доколку Ви треба помош при на дизајнирање на вашиот дом во современ или модерен стил (2Д и/или 3Д/рендери)и/или изработка на мебел, побарајте нè.
Вилата може да смести 16 гости распоредени во шест спални соби во главната куќа (три соби со брачен кревет и три соби со по два единечни кревети во секоја од нив), и две спални соби во куќата покрај базенот. Сите спални соби имаат сопствени бањи, а повеќето од нив имаат директен излез во градината и поглед на морето. Во анексот на главната куќа има уште една спална соба која ги исполнува истите високи стандарди и е уредена во ист стил како и останатите, а е наменета за главниот готвач, но во случај на повеќе гости може да се искористи како дополнителен сместувачки капацитет.
![](http://dekorama.design/wp-content/uploads/2022/03/masseriapetraroloit-708-web-opt-w900h900-3.jpg)
![](http://dekorama.design/wp-content/uploads/2022/03/masseriapetraroloit-637-web-opt-w900h900-5.jpg)
![](http://dekorama.design/wp-content/uploads/2022/03/masseriapetraroloit-385-web-opt-w900h900-1.jpg)
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-36-563x480-c-center.webp)
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-33-679x480-c-center.webp)
![](http://dekorama.design/wp-content/uploads/2022/03/valentino0015webopt-1-w900h900.jpg)
Заедничките простории вклучуваат три кујни, вински подрум, библиотека и оранжерија, како и голема сала за јадење, која се надоврзува на дневниот простор, и нуди прекрасно доживување помеѓу изложените камени ѕидови, таваницата со бели дрвени греди, рустичните лустери од ковано железо и импресивната 7метарска маса.
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-44-698x480-c-center-1.jpg)
![](http://dekorama.design/wp-content/uploads/2022/03/masseria-petrarolo-villa-rentals-italy-puglia-17-643x480-c-center.jpg)
![](http://dekorama.design/wp-content/uploads/2022/03/dante01webopt-1-w900h900-1.jpg)
![](http://dekorama.design/wp-content/uploads/2022/03/masseriapetraroloit-320-web-opt-w900h900.jpg)
Освен големиот базен (16mх18m), вилата располага со уште еден базен на кровната тераса, тениско игралиште и амам.
![](http://dekorama.design/wp-content/uploads/2022/03/masseriapetraroloit-079-web-opt-w900h900-2.jpg)
![](http://dekorama.design/wp-content/uploads/2022/03/masseriapetraroloit-259-web-opt-w900h900-1.jpg)
Доколку сакате да ја изнајмите, истото ќе ве чини од €12000 неделно па нагоре, зависно од периодот за кој сакате да ја резервирате.