Култни дански дизајнери (на мебел)

Култни дански дизајнери (на мебел)

Силно под влијание на функционалните форми на Баухаус во Германија, данските дизајнери беа/се меѓу водечките во светот на дизајнот, посебно во областа на дизајнот на мебел и осветлување. Ова се некои од највлијателните дански дизајнери од средината на минатиот век.

Доколку Ви треба помош при уредување на вашиот дом  (2Д и/или 3Д/рендери) и изработка на мебел, побарајте нè.

Дизајнер: Ханс Вегнер

Модел: стол CH25
Година: 1950

Светски познат дизајнер на мебел, како син на папучар, Ханс Вегнер пораснал опкружен со фина изработка. Меѓу данските дизајнери на мебел, Ханс Ј. Вегнер се смета за еден од најкреативните, најиновативните и најплодните. Честопати нарекуван господар на столот, Вегнер дизајнираше повеќе од 500 столови во текот на неговиот живот, многу од нив се сметаа за ремек-дела. Тој е веројатно најпознат по неговиот култен стол Wishbone, кој е во континуирано производство од 1950 година.

CH25 е еден од првите четири столови што Вегнер ги создаде исклучиво за Карл Хансен во 1949 г. Столот, револуционерен во тоа време, беше пуштен во производство во 1950 г.

Дизајнер: Бoрг Могенсен

Модел: стол Линдеруп/Lynderup
Година: 1954

Могенсен е еден од пионерите на данскиот модернизам, заедно со мајсторите А. Јакобсен и Х. Вегнер. Борг(е) Могенсен студирал дизајн на мебел на Данското училиште за уметност и занаетчиство од 1936 до 1937 година. Могенсен го продолжува своето образование за архитект од 1938-1942 година на Архитектонската школа на Кралската данска академија за ликовни уметности, и несомнено е неверојатно важна фигура во данскиот дизајн. Додека студирал архитектура, тој исто така работел во различни дизајнерски студија со седиште во Копенхаген, особено со Кааре Клинт (Kaare Klint). Користејќи класичен дизајн во комбинација со суперирона изработка, Могенсен со неговиот мебел се обиде да го надмине јазот помеѓу традиционалниот и модерниот мебел.

Карактеристично за столот Линдеруп е широко седиште и потпирачот за грб на столот кои се достапни во разни дрвени бои и се поврзани со едноставна метална рамка.

Дизајнер: Арне Јакобсен

Модел: стол „Мравка“ (Ant)
Година: 1952

Можеби еден од најпознатите дански дизајнери, Арне Јакобсен имаше долга и разновидна кариера и даде значаен придонес кон архитектонскиот функционализам. Покажувајќи значителен талент од рана возраст, Јакобсен првично посака да биде сликар; неговиот татко беше тој што го насочи кон архитектурата. Уште како студент во 1925 година на Меѓународна изложба во Париз (Paris Exhibition Internationale de Arts Décoratifs et Industriels Modernes) добива награда за дизајн на стол. Неговата кариера, сепак, беше прекината од војната; Јакобсен бил Евреин и затоа морал да побегне во Шведска до крајот на војната. Негови се класичните дизајни на столчиња „Јајце“ (Egg) и „Лебед“ (Swan).

Дизајниран од Јакобсен во 1952 г, столот е направен од девет слоја фурнир обликувани под притисок. Неговата елегантна и нежна форма ја крие неговата извонредна сила и удобност.

Дизајнер: Фин Јул

Модел: Фотелја/стол „Пеликан“
Година: 1940

Еден од водечките дански дизајнери беше Фин Јул; архитект, ентериер и индустриски дизајнер. Неговото деби во областа на дизајнот на мебел е во 1937 година. Првично неговиот мебел не беше добро прифатен, иако денес мебелот од Фин Јул е посакуван и ценет. Неговиот познат стол „Пеликан“, првпат произведен во 1940 година, беше опишан како „естетика во најлоша можна смисла на зборот“.

Во ниту еден друг негов дизајн не е поочигледна фасцинацијата на Јул за/од надреализам отколку во фотелјата „Пеликан“. Од сите негови дизајни, оваа фотелја е далеку пред своето време. Jул нормално го именуваше својот мебел по годината во која тие беа дизајнирани, но со текот на времето прекарот „Пеликан“ се залепи за фотелјата. Карактеристичната мека и органска форма нуди неколку удобни начини на седење.

Дизајнер: Вернер Пантон

Модел: стол „С“ или „Stacking chair “
Година: 1960

Роден во 1926 година, Вернер Пантон е еден од помладите дански дизајнери активни во периодот на средината на минатиот век. Пантон создаде иновативни и футуристички дизајни, често експериментирајќи со нови материјали како што е пластика. Неговите флуидни форми во светли бои беа популарни во 60-тите години на минатиот век. Во првите две години од кариерата работи во архитектонската фирма на Арне Јакобсен, сепак брзо се осамостојува и отвора сопствено  архитектонско студио. Во 1960 година, Пантон го дизајнираше „Stacking chair “ или „столчето С“, првиот стол од пластика вбризгана/обликувана во калап. Неговиот најпознат и масовно произведен дизајн, „столицата С“ сè уште се произведува и денес во Витра.